గాంధీ విగ్రహానికి జర్నలిస్టుల సమస్యలపై వినతి..!

-ఇంటి స్థలాలు, హెల్త్ కార్డులు, అక్రిడిటేషన్లు మంజూరు చేయాలని జిల్లా అధ్యక్షుడు బండారు యాదగిరి డిమాండ్

సంగారెడ్డి అక్టోబర్ 2 (SNM న్యూస్):

 గాంధీ జయంతి సందర్భంగా జాతీయ జర్నలిస్టుల డిమాండ్ల దినోత్సవాన్ని పురస్కరించుకుని సంగారెడ్డి పట్టణంలోని జిల్లా పరిషత్ ప్రాంగణంలో గల జాతిపిత మహాత్మా గాంధీ విగ్రహానికి జర్నలిస్టులు వినతిపత్రం సమర్పించారు. తెలంగాణ స్టేట్ యూనియన్ ఆఫ్ వర్కింగ్ జర్నలిస్ట్స్ (టీయూడబ్ల్యూజే–ఐజేయూ) జిల్లా అధ్యక్షుడు బండారు యాదగిరి ఆధ్వర్యంలో ఈ కార్యక్రమం నిర్వహించారు. ఈ సందర్భంగా యాదగిరి మాట్లాడుతూ, ప్రజాస్వామ్య పరిరక్షణలో కీలకపాత్ర పోషిస్తున్న జర్నలిస్టుల హక్కులు, భద్రత, సంక్షేమానికి కేంద్ర, రాష్ట్ర ప్రభుత్వాలు ప్రాధాన్యం ఇవ్వాలని కోరారు. గాంధీజీ చూపిన సత్యం, అహింస మార్గంలో జర్నలిస్టుల సమస్యలను ప్రభుత్వాల దృష్టికి తీసుకెళ్తున్నామని తెలిపారు. మీడియా రంగాన్ని సమగ్రంగా సమీక్షించి, ప్రస్తుత అవసరాలకు అనుగుణంగా విధాన సిఫారసులు చేసేందుకు సమగ్ర మీడియా కమిషన్ ఏర్పాటు చేయాలని డిమాండ్ చేశారు. జర్నలిస్టులు, మీడియా సిబ్బంది, వార్తా సంస్థలను దాడులు, బెదిరింపులు, అణచివేత నుంచి రక్షించేందుకు ప్రత్యేక కేంద్ర చట్టం తీసుకురావాలని కోరారు. వర్కింగ్ జర్నలిస్టులకు సంబంధించిన 1955, 1958 చట్టాల నిబంధనలను పునరుద్ధరించి ఉద్యోగ భద్రత, పని గంటల పరిమితి, వివాదాల పరిష్కారం, ఉద్యోగం నుంచి తొలగించినప్పుడు న్యాయమైన పరిహారం అందేలా చర్యలు చేపట్టాలని పేర్కొన్నారు. ప్రింట్, ఎలక్ట్రానిక్, డిజిటల్ మీడియా ఉద్యోగులకు పెరుగుతున్న జీవన వ్యయానికి అనుగుణంగా వేతనాలు అందించేందుకు కొత్త వేతన బోర్డు ఏర్పాటు చేయాలన్నారు. తెలంగాణలో అర్హులైన జర్నలిస్టులందరికీ ఇంటి స్థలాలు కేటాయించాలని, సంగారెడ్డి జిల్లాలోనూ అర్హులైన ప్రతి జర్నలిస్టుకు స్థలం ఇవ్వాలని కోరారు. రాష్ట్ర ప్రభుత్వ ఉద్యోగులతో సమానంగా జర్నలిస్టులకు ఆరోగ్య సేవలను పునరుద్ధరించి, తక్షణమే హెల్త్ కార్డులు మంజూరు చేయాలని డిమాండ్ చేశారు. జిల్లాలో అక్రిడిటేషన్ కార్డులు అందని అర్హులైన జర్నలిస్టులందరికీ కార్డులు జారీ చేయాలని ఈ సందర్భంగా జిల్లా ప్రధాన కార్యదర్శి ఆర్ అనిల్ కుమార్ పేర్కొన్నారు. జర్నలిస్టుల న్యాయమైన డిమాండ్లపై ప్రభుత్వాలు స్పందించి పరిష్కార చర్యలు చేపట్టాలని విజ్ఞప్తి చేశారు. రాష్ట్ర నాయకుడు జోగిపేట యాదగిరి, వెంకటరెడ్డి

సంఘం జిల్లా కోశాధికారి అన్వర్, జిల్లా ఉపాధ్యక్షుడు మల్లేశం, శ్రీనాథ్, ఆర్గనైజింగ్ సెక్రటరీ విల్సన్, ఉలవల రాజు, అంజయ్య,

జాయింట్ సెక్రెటరీ శ్రీనివాసరెడ్డి, సుమన్,

చిన్న మధ్యతరహా పత్రికల సంఘం జిల్లా అధ్యక్షుడు సిద్ధిక్, ప్రధాన కార్యదర్శి ఈశ్వర్ చవాన్, కోశాధికారి లక్ష్మణ్, ఉపాధ్యక్షుడు నజీర్,

సీనియర్ జర్నలిస్టు మధుసూదనాచారి,

 రథసారథి సీఈవో సంతోష్ గౌడ్, జిల్లా కార్యవర్గ సభ్యుడు విజయరాజు, పరంజ్యోతి, నాగరాజుగౌడ్,

ఫోటో జర్నలిస్టుల సంఘం అధ్యక్షుడు ఆరిఫ్, ఇతర నేతలు సంతోష్, సత్యం, సాక్ష్యం శ్రీనివాస్, నవీన్, పటాన్చెరు నియోజకవర్గ ప్రెస్ క్లబ్ అధ్యక్షుడు పత్తి నరసింహ ప్రధాన కార్యదర్శి యాదగిరి, బొల్లారం నాయుడు, రాజు నాయక్ తదితరులు పాల్గొన్నారు.

సంగారెడ్డిలో నిర్మల జగ్గారెడ్డి పర్యటన-ప్రైడ్‌ ఆసుపత్రిలో ఆధునిక వైద్య పరికరాల ప్రారంభం

సంగారెడ్డి ప్రతినిధి: మాజీ జిల్లా కాంగ్రెస్‌ అధ్యక్షురాలు నిర్మల జగ్గారెడ్డి మంగళవారం సంగారెడ్డి పట్టణంలో పలు కార్యక్రమాల్లో పాల్గొన్నారు. పట్టణంలోని అంబేద్కర్‌ క్రీడా మైదానంలో నిర్వహించిన జాతీయ స్థాయి అంతర్‌జిల్లా అథ్లెటిక్స్‌ పోటీలకు క్రీడాకారుల ఎంపిక కార్యక్రమానికి ఆమె ముఖ్య అతిథిగా హాజరై క్రీడాకారులను అభినందించారు.

జాతీయ స్థాయి అంతర్‌జిల్లా అథ్లెటిక్స్‌ పోటీలకు సంగారెడ్డి జిల్లా నుంచి ఎంపికైన క్రీడాకారుల ఎంపిక ప్రక్రియను నిర్మల జగ్గారెడ్డి పరిశీలించారు. నవంబర్‌ 14, 16 తేదీల్లో వోక్సెన్‌లో జరగనున్న పోటీలకు ఎంపికైన క్రీడాకారులకు శుభాకాంక్షలు తెలిపారు. వివిధ విభాగాల్లో ప్రతిభ కనబరిచిన క్రీడాకారులకు బంగారు, వెండి, కాంస్య పతకాలను అందజేసి అభినందించారు. ఈ కార్యక్రమంలో సుమారు 600 మంది క్రీడాకారులు పాల్గొన్నారు. ఈ సందర్భంగా క్రీడాకారులను ఉద్దేశించి మాట్లాడుతూ క్రీడలు శారీరక దృఢత్వంతో పాటు క్రమశిక్షణ, ఆత్మవిశ్వాసాన్ని పెంపొందిస్తాయని పేర్కొన్నారు. ప్రతిభ కలిగిన క్రీడాకారులకు తగిన ప్రోత్సాహం అందిస్తే జాతీయ, అంతర్జాతీయ స్థాయిలో రాణించే అవకాశం ఉంటుందని అన్నారు. ఈ కార్యక్రమంలో జిల్లా అథ్లెటిక్స్‌ సంఘం అధ్యక్షుడు సోహైల్‌ అలీ, కార్యదర్శి జావిద్‌ అలీ, రవి, వ్యాయామ ఉపాధ్యాయులు, క్రీడా శిక్షకులు, క్రీడాకారులు తదితరులు పాల్గొన్నారు.

ప్రైడ్‌ ఆసుపత్రిలో ఆధునిక వైద్య పరికరాల ప్రారంభం

సంగారెడ్డి పట్టణంలోని ప్రైడ్‌ ఆసుపత్రిలో నూతన వైద్య పరికరాలను నిర్మల జగ్గారెడ్డి ప్రారంభించారు. అత్యవసర పరిస్థితుల్లో గుండె ఆగిపోయిన రోగులకు ఛాతీపై ఒత్తిడి అందించేందుకు ఉపయోగించే యాంత్రిక హృదయ-ఊపిరితిత్తుల పునరుద్ధరణ పరికరాన్ని ఆమె ఆవిష్కరించారు. అలాగే గుండె రక్తనాళాల్లోని అడ్డంకుల పరిమాణాన్ని గుర్తించేందుకు ఉపయోగపడే ఆధునిక వైద్య పరికరాన్ని కూడా ప్రారంభించారు. ఈ సందర్భంగా నిర్మల జగ్గారెడ్డి మాట్లాడుతూ ఆధునిక వైద్య సాంకేతిక పరిజ్ఞానం అందుబాటులోకి రావడం వల్ల అత్యవసర పరిస్థితుల్లో రోగులకు సకాలంలో మెరుగైన వైద్య సేవలు అందించే అవకాశం ఉంటుందని అన్నారు. ప్రజలకు నాణ్యమైన వైద్య సేవలు అందించేందుకు ఆసుపత్రులు ఆధునిక సౌకర్యాలను అందుబాటులోకి తీసుకురావడం అభినందనీయమని పేర్కొన్నారు. ఈ కార్యక్రమంలో బ్లాక్‌ కాంగ్రెస్‌ అధ్యక్షుడు జార్జ్‌ మాథ్యూస్‌, వైద్యులు డాక్టర్‌ అనిల్‌, నాయకులు ప్రవీణ్‌, కూన వేణు తదితరులు పాల్గొన్నారు.

జర్నలిస్టుల హక్కుల కోసం ..అక్టోబర్ 2 న గాంధీ జయంతి నాడు నిరసన !

జర్నలిస్టుల హక్కుల కోసం ..అక్టోబర్ 2 న గాంధీ జయంతి నాడు నిరసన !

ఆరు డిమాండ్లపై తక్షణ జోక్యం అవసరం 

కేంద్ర ,రాష్ట్ర ప్రభుత్వాలు స్పందించాలని డిమాండ్ 

టీయూడబ్ల్యూజే జిల్లా అధ్యక్షుడు బండారు యాదగిరి

సంగారెడ్డి సెప్టెంబర్  30 (రథసారథి న్యూస్):

జర్నలిస్టుల హక్కులను సాధించడానికి ఇండియన్ జర్నలిస్ట్ యూనియన్ ( ఐజేయు) పిలుపుమేరకు అక్టోబర్ 2 న గాంధీ జయంతి నాడు జిల్లా కేంద్రమైన సంగారెడ్డిలో 

నిరసన కార్యక్రమం చేపట్టినట్లు టి యు డబ్ల్యూ జే సంగారెడ్డి జిల్లా అధ్యక్షుడు బండారు యాదగిరి, జిల్లా ప్రధాన కార్యదర్శి ఆర్ అనిల్ కుమార్, ఎలక్ట్రానిక్ మీడియా జిల్లా విభాగం అధ్యక్షుడు ఆసిఫ్, ప్రధాన కార్యదర్శి బసవేశ్వర్, చిన్న మధ్య తరహా పత్రికల సంఘం అధ్యక్షుడు సిద్ధిక్, ప్రధాన కార్యదర్శి ఈశ్వర్ చవాన్

తెలిపారు. డిమాండ్స్ డే లో భాగంగా జాతిపిత గాంధీజీ విగ్రహం వద్ద ఈ నిరసన కార్యక్రమం చేపడుతున్నట్లు ఈ సందర్భంగా జిల్లా అధ్యక్షుడు బండారు యాదగిరి చెప్పారు.

ఇటీవల బెంగళూరు లో నిర్వహించిన ఐజేయు కార్యవర్గ సమావేశంలో జర్నలిస్టుల సమస్యలపై చర్చించినట్లు తెలిపారు. కేంద్ర రాష్ట్ర ప్రభుత్వాలు జర్నలిస్టుల పట్ల నిర్లక్ష్యం

ప్రదర్శించడంపై సమావేశం ఖండించిందని అన్నారు.

 పెద్ద ఎత్తున నిరసన తెలిపాలని నిర్ణయించిందన్నారు. బెంగళూరు సమావేశంలో చేసిన తీర్మానం మేరకు సంగారెడ్డి జిల్లా కేంద్రంలో గాంధీ జయంతి నాడు ఉదయం 10 గంటలకు నిరసన కార్యక్రమం నిర్వహిస్తున్నామని వెల్లడించారు. రాష్ట్ర ఉపాధ్యక్షుడు ఎం ఏ కే ఫైసల్ తో పాటు జిల్లాలోని జర్నలిస్టులు పెద్ద ఎత్తున పాల్గొంటారని  యాదగిరి అన్నారు. నిరసన అనంతరం జిల్లా కలెక్టర్ కు, స్థానిక ప్రజాప్రతినిధులకు వినతి పత్రం సమర్పిస్తామని చెప్పారు.

 ప్రధాన డిమాండ్లు ఈ కింది విధంగా ఉన్నాయని  వివరించారు.ముఖ్యంగా నూతన మీడియా కమిషన్ ఏర్పాటు చేయాలి.మీడియా సిబ్బందికి  రక్షణ కల్పించాలి.అందుకు ప్రత్యేక చట్టం తేవాలి. 

రద్దు చేయబడిన చట్టాల స్థానంలో చట్టబద్దంగా హక్కులు పునరుద్ధరించాలి.

నూతన వేజ్ బోర్డు ఏర్పాటు చేయాలి.

రాష్ట్రంలో ఇళ్లస్థలాలు, హెల్త్ కార్డులు ఇవ్వాలి. 

జర్నలిస్టుల భద్రతా కోసం చట్టం తేవాలి అని యాదగిరి డిమాండ్ చేశారు. మీడియా నిపుణులు ఎదుర్కొంటున్న కీలకమైన నిర్మాణాత్మక  చట్టపరమైన సమస్యలపై తక్షణం కేంద్రం జోక్యం కోరుతున్నామన్నారు. గౌరవనీయ రాష్ట్రపతి ఈ విషయంలో స్పందించాల్సిందిగా తమ సంఘం కోరుతుందన్నారు.పత్రికా స్వేచ్ఛను,మీడియా కార్మికుల సామాజిక-ఆర్థిక భద్రతను పరిరక్షించడానికి కీలకమైన ఆరు ముఖ్యమైన డిమాండ్లను కేంద్రం వెంటనే పరిష్కరించాలని యాదగిరి డిమాండ్ చేశారు.తెలంగాణ రాష్ట్ర ప్రభుత్వం తన ఎన్నికల ప్రణాళికలో ఇచ్చిన హామీ మేరకు అర్హులైన జర్నలిస్టులందరికీ ఇళ్ళు, ఇళ్లస్థలాలు ఇవ్వాలి. 

 ఉద్యోగులకు ఇస్తున్న విధంగా హెల్త్ కార్డులు ఇచ్చి,క్యాష్ లెస్ ట్రీట్మెంట్ అందించాలని టీయూడబ్ల్యూజే కోరుతోందని యాదగిరి పేర్కొన్నారు.

శ్వాసకోశ వ్యాధులకు సమగ్ర వైద్య సేవలు -ఘనంగా జియాన్ చెస్ట్ కేర్ రెండో వార్షికోత్సవం

సంగారెడ్డి ప్రతినిధి సెప్టెంబర్ 19 (SNM న్యూస్): శ్వాసకోశ సంబంధిత వ్యాధులకు ఆధునిక వైద్య సేవలను అందిస్తున్న జియాన్ చెస్ట్ కేర్ రెండో వార్షికోత్సవ వేడుకలు ఘనంగా నిర్వహించారు. డాక్టర్‌ కె.సువర్ణ ఆధ్వర్యంలో నిర్వహిస్తున్న ఈ వైద్య కేంద్రం ద్వారా ఆస్తమా, అలర్జీ, దీర్ఘకాలిక శ్వాసకోశ వ్యాధి (సీఓపీడీ), నిద్ర సంబంధిత సమస్యలు, న్యూమోనియా, ఊపిరితిత్తుల వ్యాధులు, దీర్ఘకాలిక దగ్గు, క్షయ, ఊపిరితిత్తుల క్యాన్సర్‌, బ్రాంకైటిస్‌, ప్లూరల్‌ ఎఫ్యూషన్‌ తదితర వ్యాధులకు వైద్య సేవలు అందిస్తున్నట్లు నిర్వాహకులు తెలిపారు. అలాగే ధూమపానం మాన్పించేందుకు ప్రత్యేక సలహాలు, ఊపిరితిత్తుల పునరావాసం, వయోజనులకు ఫ్లూ, న్యూమోకాకల్‌ టీకాలు వంటి సేవలను అందిస్తున్నట్లు పేర్కొన్నారు. కేంద్రంలో నిద్ర పరీక్ష, కఫ పరీక్షలు, పీఎఫ్‌టీ, ఈసీజీ, ఎఫ్‌ఎన్‌ఏసీ, బ్రాంకోస్కోపీ తదితర పరీక్షలతో పాటు ప్రయోగశాల, ఔషధ కేంద్రం సౌకర్యాలు అందుబాటులో ఉన్నాయని తెలిపారు. రెండేళ్లుగా ప్రజలకు నాణ్యమైన శ్వాసకోశ వైద్య సేవలను అందిస్తూ ముందుకు సాగుతున్న జియాన్‌ చెస్ట్‌ కేర్‌ భవిష్యత్తులోనూ మరింత విస్తృతమైన సేవలను అందించేందుకు కృషి చేస్తుందని నిర్వాహకులు తెలిపారు. రెండో వార్షికోత్సవాన్ని పురస్కరించుకుని వైద్యులు, సిబ్బంది, శుభాకాంక్షలు తెలిపిన రోగులు, ప్రజలకు కృతజ్ఞతలు తెలిపారు.

విద్యారంగ సమస్యల పరిష్కారానికి USFI సమరశంఖం

-సంగారెడ్డిలో 3 వేల మంది విద్యార్థులతో యూఎస్‌ఎఫ్‌ఐ భారీ ర్యాలీ

-పెండింగ్‌ ఉపకార వేతనాలు, ఫీజు రీయింబర్స్‌మెంట్‌ వెంటనే విడుదల చేయాలి

సంగారెడ్డి, సెప్టెంబరు 19 (SNM న్యూస్):

విద్యారంగ సమస్యల పరిష్కారం, ప్రభుత్వ విద్యాసంస్థల పరిరక్షణ, విద్యార్థుల హక్కుల సాధన కోసం యూఎస్‌ఎఫ్‌ఐ తెలంగాణ రాష్ట్ర కమిటీ ఆధ్వర్యంలో సంగారెడ్డి జిల్లా కేంద్రంలో శనివారం భారీ విద్యార్థి ర్యాలీ నిర్వహించారు. రాష్ట్ర ప్లీనరీ సమావేశాల సందర్భంగా నిర్వహించిన ఈ ర్యాలీలో సుమారు 3 వేల మంది విద్యార్థులు పాల్గొన్నారు. అనంతరం జిల్లా కేంద్రంలో భారీ బహిరంగ సభ నిర్వహించారు. విద్యార్థుల నినాదాలతో సంగారెడ్డి పట్టణం మార్మోగింది. సభకు యూఎస్‌ఎఫ్‌ఐ జాతీయ అధ్యక్షుడు ఉదయ్‌కుమార్‌, తెలంగాణ రాష్ట్ర అధ్యక్షుడు మాదం తిరుపతి, రాష్ట్ర కార్యదర్శి తాటికొండ రవి, జాతీయ సలహాదారు మాదంశెట్టి అరుణ్‌కుమార్‌ ముఖ్య అతిథులుగా హాజరయ్యారు. విద్యార్థుల సమస్యలు, ప్రభుత్వ విద్యారంగ పరిస్థితులు, ఉన్నత విద్యలో ఎదురవుతున్న ఇబ్బందులపై వారు ప్రసంగించారు.

-ప్రభుత్వ విద్యకు నిధులు పెంచాలిఈ సందర్భంగా నాయకులు మాట్లాడుతూ ప్రభుత్వాలు విద్యారంగానికి తగినన్ని నిధులు కేటాయించకుండా ప్రభుత్వ విద్యాసంస్థలను నిర్లక్ష్యం చేస్తున్నాయని ఆరోపించారు. ఒకవైపు కార్పొరేట్‌ సంస్థలకు భారీ మొత్తంలో రుణ మాఫీలు, వివిధ రకాల ఆర్థిక ప్రోత్సాహకాలు అందుతున్నాయని, మరోవైపు ప్రభుత్వ పాఠశాలలు, కళాశాలలు, విశ్వవిద్యాలయాలు మౌలిక వసతుల కొరతను ఎదుర్కొంటున్నాయని పేర్కొన్నారు. దేశవ్యాప్తంగా ప్రభుత్వ విద్యాసంస్థలకు తగిన నిధులు కేటాయించి తరగతి గదులు, ప్రయోగశాలలు, గ్రంథాలయాలు, వసతి గృహాలు, బోధనా సిబ్బంది వంటి మౌలిక సదుపాయాలను మెరుగుపరచాలని డిమాండ్‌ చేశారు. విద్య ప్రతి విద్యార్థికి అందుబాటులో ఉండేలా ప్రభుత్వాలు బాధ్యత తీసుకోవాలని కోరారు.

-రూ.10 వేల కోట్ల బకాయిలు విడుదల చేయాలితెలంగాణలో విద్యార్థులకు సంబంధించిన పెండింగ్‌ ఉపకార వేతనాలు, ఫీజు రీయింబర్స్‌మెంట్‌ బకాయిలను వెంటనే విడుదల చేయాలని నాయకులు డిమాండ్‌ చేశారు. నిధుల విడుదలలో జాప్యం కారణంగా విద్యార్థులు, వారి కుటుంబాలు ఇబ్బందులు ఎదుర్కొంటున్నాయని తెలిపారు. ఉన్నత విద్యను కొనసాగించేందుకు ఆర్థిక ఇబ్బందులు ఎదుర్కొంటున్న విద్యార్థులకు ప్రభుత్వం తక్షణమే ఉపశమనం కల్పించాలని కోరారు.

-విద్యార్థుల స్థానికతపై స్పష్టత ఇవ్వాలివైద్య విద్యలో ప్రవేశాలకు సంబంధించిన స్థానికత నిబంధనలపై కూడా నాయకులు ఆందోళన వ్యక్తం చేశారు. ఎంబీబీఎస్‌ ప్రవేశాల్లో నాలుగేళ్ల విద్యాభ్యాసాన్ని మాత్రమే ప్రాతిపదికగా తీసుకోవడం వల్ల తెలంగాణ విద్యార్థులకు అన్యాయం జరుగుతోందని పేర్కొన్నారు. స్థానిక విద్యార్థుల ప్రయోజనాలను కాపాడే విధంగా నిబంధనలను సమీక్షించాలని డిమాండ్‌ చేశారు. జూనియర్‌ కళాశాలల్లో మధ్యాహ్న భోజన పథకాన్ని సమర్థంగా అమలు చేయాలని, ప్రభుత్వ కళాశాలల్లో విద్యార్థులకు అవసరమైన మౌలిక సదుపాయాలు కల్పించాలని కోరారు. ప్రైవేటు, కార్పొరేట్‌ విద్యాసంస్థల్లో అధిక ఫీజుల వసూళ్లపై కఠినంగా వ్యవహరించాలని ప్రభుత్వాన్ని డిమాండ్‌ చేశారు.

-ప్రతి ఉమ్మడి జిల్లాకు ప్రభుత్వ విశ్వవిద్యాలయం

తెలంగాణలోని ప్రతి ఉమ్మడి జిల్లాకు కనీసం ఒక ప్రభుత్వ విశ్వవిద్యాలయం ఏర్పాటు చేయాలని యూఎస్‌ఎఫ్‌ఐ నాయకులు డిమాండ్‌ చేశారు. గ్రామీణ, పేద, మధ్యతరగతి విద్యార్థులకు ఉన్నత విద్యను అందుబాటులోకి తీసుకురావాలంటే ప్రభుత్వ విద్యాసంస్థల సంఖ్యను పెంచాల్సిన అవసరం ఉందన్నారు. విద్యారంగ సమస్యలను ప్రభుత్వం తక్షణమే పరిష్కరించకపోతే విద్యార్థులు, ప్రజలను సమీకరించి రాష్ట్రవ్యాప్తంగా పెద్ద ఎత్తున ఉద్యమాలు చేపడతామని నాయకులు హెచ్చరించారు. విద్యార్థుల హక్కుల సాధన కోసం నిరంతరం పోరాటాలు కొనసాగిస్తామని స్పష్టం చేశారు.

-వందలాది మంది ప్రతినిధుల హాజరుఈ కార్యక్రమంలో ప్రజాసంఘాల నాయకులు నార్ల చంద్రశేఖర్‌, మోర్తాల చందర్రావుతో పాటు రాష్ట్ర ఉపాధ్యక్షులు చందులాపురం మధు, రాజేష్‌, గణేష్‌, వెంకటేష్‌, మిట్టపల్లి తిరుపతి, సహాయ కార్యదర్శులు గుడికందుల రవి, నాచారం శేఖర్‌, ఎండీ పాషా తదితరులు పాల్గొన్నారు. రాష్ట్రంలోని వివిధ జిల్లాల నుంచి వచ్చిన వందలాది మంది ప్రతినిధులు, వేలాది మంది విద్యార్థులు ర్యాలీ, బహిరంగ సభలో పాల్గొన్నారు.

మట్టి గణపతిని పూజించడం ప్రకృతి పరిరక్షణకు ప్రతీక -మహేశ్వర శర్మ సిద్ధాంతి

-వాసవి మా ఇల్లు స్వచ్ఛంద సంస్థ ఆధ్వర్యంలో 5,250 మట్టి వినాయక విగ్రహాల పంపిణీ

సంగారెడ్డి ప్రతినిధి(SNM న్యూస్): పర్యావరణ పరిరక్షణతో పాటు సనాతన ఆధ్యాత్మిక సంప్రదాయాలను ప్రోత్సహించాలనే ఉద్దేశంతో సంగారెడ్డిలోని ‘వాసవి మా ఇల్లు’ స్వచ్ఛంద సంస్థ ఆధ్వర్యంలో ఆదివారం మట్టి వినాయక విగ్రహాలను పంపిణీ చేశారు. పట్టణంలోని ఐబీ వద్ద నిర్వహించిన కార్యక్రమంలో శ్రీ జ్యోతిర్వాస్తు విద్యాపీఠం వ్యవస్థాపకులు బ్రహ్మశ్రీ డాక్టర్‌ మహేశ్వర శర్మ సిద్ధాంతి భక్తులకు మట్టి వినాయక విగ్రహాలను అందజేశారు. ఈ సందర్భంగా ఆయన మాట్లాడుతూ.. ‘వాసవి మా ఇల్లు’ స్వచ్ఛంద సంస్థ వ్యవస్థాపకులు తోపాజి అనంత కిషన్‌ ఆధ్వర్యంలో గత 18 సంవత్సరాలుగా మట్టి వినాయక విగ్రహాలను పంపిణీ చేయడం అభినందనీయమన్నారు. ఈ ఏడాది 5,250 మట్టి వినాయక విగ్రహాలను భక్తులకు అందజేయడం గొప్ప కార్యక్రమమని పేర్కొన్నారు. ప్రకృతి నుంచి లభించే సహజ పదార్థాలతో గణనాథుడి ప్రతిమను రూపొందించి పూజించడం సనాతన ధర్మంలో భాగమని తెలిపారు. ప్రతి ఒక్కరూ మట్టి వినాయక విగ్రహాలను ప్రతిష్ఠించి పూజించాలని, తద్వారా పర్యావరణ పరిరక్షణకు తమ వంతు సహకారం అందించాలని పిలుపునిచ్చారు. మట్టి గణనాథుల పంపిణీ కార్యక్రమం ప్రజల్లో భక్తిభావంతో పాటు ప్రకృతి పరిరక్షణపై అవగాహన పెంచుతోందని అన్నారు. ఈ కార్యక్రమాన్ని ఆదర్శంగా తీసుకుని ప్రతి ఒక్కరూ మట్టి వినాయకుడిని పూజించి గణేశ్వరుని ఆశీస్సులు పొందాలని ఆకాంక్షించారు. అనంతరం సంస్థ వ్యవస్థాపకులు తోపాజి అనంత కిషన్‌, ప్రధాన కార్యదర్శి పుల్లూరి ప్రకాశ్‌, ఉపాధ్యక్షుడు మ్యాడం రాధాకిషన్‌, ఆర్యవైశ్య సంఘం పట్టణ అధ్యక్షుడు కొంపల్లి విద్యాసాగర్‌, సభ్యులు చందా శ్రీధర్‌, ఇరుకుల ప్రదీప్‌కుమార్‌, జూలకంటి రామకృష్ణ, వైద్యుల సంఘం రాష్ట్ర కార్యదర్శి అనుముల సంతోష్‌ తదితరులు పాల్గొన్నారు.

అభివృద్ధి కావాలంటే బ్యాట్ గుర్తుకు ఓటు వేయండి. ..ఆశీర్వదించండి గొల్ల విజయలక్ష్మి–ఆంజనేయులు

 

సంగారెడ్డి ప్రతినిధి, ఫిబ్రవరి 6 (SNM NEWS): సంగారెడ్డి పట్టణ 30వ వార్డు ఇండిపెండెంట్ కౌన్సిలర్ అభ్యర్థి గొల్ల విజయలక్ష్మి–ఆంజనేయులు మాట్లాడుతూ, “ఒక్క అవకాశం ఇవ్వండి… వార్డు అభివృద్ధి చేసే పూర్తి బాధ్యత నాదే” అని ప్రజలను కోరారు. మున్సిపల్ ఎన్నికల నేపథ్యంలో సంతోష్ నగర్, సాయి కృప నగర్, అయ్యప్ప కాలనీలలో రహిమత్ నగర్ ఇంటింటి ఎన్నికల ప్రచారం నిర్వహించారు. ఈ సందర్భంగా గడప గడపకు వెళ్లి ఓటర్లను ఆప్యాయంగా పలకరిస్తూ, వార్డు సమస్యలను తెలుసుకున్నారు. తాగునీరు, డ్రైనేజీ, రోడ్లు, వీధి దీపాలు, పారిశుధ్యం వంటి సమస్యలను ప్రాధాన్యతగా పరిష్కరిస్తామని హామీ ఇచ్చారు. ప్రజల మధ్యే ఉంటూ, ప్రజల కోసం పనిచేసే కౌన్సిలర్‌గా నిలుస్తానని, పార్టీలకు అతీతంగా అభివృద్ధే లక్ష్యంగా ముందుకు సాగుతానని ఆమె పేర్కొన్నారు. స్వచ్ఛమైన పాలన, పారదర్శకతతో 30వ వార్డును ఆదర్శ వార్డుగా తీర్చిదిద్దుతామని ధీమా వ్యక్తం చేశారు. ఈ ప్రచార కార్యక్రమంలో జనార్ధన్, తుల్జారాం, అజీజ్,సాయి కృప, అఖిల్, శ్రీధర్, తూర్పు ఆంజనేయులు, అరుణ్ చారి, కృష్ణ, ఆశిష్, వంశీ, సాయి తదితరులు పాల్గొని మద్దతు తెలిపారు.

కమలం గుర్తే శ్రీరామ రక్ష: మెదక్ ఎంపీ రఘునందన్ రావు -12వ వార్డులో కార్నర్ మీటింగ్‌లో వ్యాఖ్యలు

సంగారెడ్డి ప్రతినిధి, ఫిబ్రవరి 6 (SNM NEWS):సంగారెడ్డి పట్టణంలోని 12వ వార్డులో నిర్వహించిన కార్నర్ మీటింగ్‌లో మెదక్ ఎంపీ రఘునందన్ రావు పాల్గొని ప్రసంగించారు. ఈ సందర్భంగా సంగారెడ్డి భవిష్యత్తుపై ప్రజలు ఆలోచించాల్సిన సమయం వచ్చిందని ఆయన వ్యాఖ్యానించారు. రాను రాను హిందువుల సంఖ్య తగ్గిపోతున్న పరిస్థితులు కనిపిస్తున్నాయని, ప్రజలు అప్రమత్తంగా ఉండాలని ఆయన అన్నారు. సంగారెడ్డి నాల్ సాబ్ గడ్డగా మారే పరిస్థితి ఎట్టి పరిస్థితుల్లోనూ రానివ్వబోమని స్పష్టం చేశారు. సంస్కృతి, సంప్రదాయం, భద్రత, అభివృద్ధికి కమలం గుర్తే శ్రీరామ రక్ష అని పేర్కొన్నారు. భావితరాల భద్రత, సంస్కృతి పరిరక్షణ కోసం కమలం గుర్తుకు ఓటు వేసి బీజేపీ అభ్యర్థులు సాహితీ–రామును భారీ మెజారిటీతో గెలిపించాలని ప్రజలకు పిలుపునిచ్చారు. ప్రజలంతా ఏకమై బీజేపీకి మద్దతు తెలపాలని ఆయన విజ్ఞప్తి చేశారు.

12 వార్డు అభివృద్ధికి 8 కోట్ల రూపాయల అభివృద్ధి పనులు -12 వార్డ్ కాంగ్రెస్ అభ్యర్ధి గులాంగరి ప్రవీణ్

సంగారెడ్డి ప్రతినిధి, ఫిబ్రవరి 6 (SNM NEWS): సంగారెడ్డి మున్సిపాలిటీ 12 అవార్డు కాంగ్రెస్ పార్టీ అభ్యర్థి గులాంగరి ప్రవీణ్ శుక్రవారం ఇంటింటి ప్రచారంలో భాగంగా పెద్ద ఎత్తున కాంగ్రెస్ పార్టీ చేతి గుర్తుకు ఓటేసి కాంగ్రెస్ పార్టీ అభ్యర్థిని గెలిపించాలని ఇంటింటా ప్రచారం చేయడం జరిగింది. ప్రచారం అనంతరం 12వ వార్డు కాంగ్రెస్ పార్టీ కార్యాలయ లో మీడియా సమావేశంలో మాట్లాడుతూ రాష్ట్రంలో అధికారంలో ఉన్న కాంగ్రెస్ పార్టీని గెలిపిస్తే మున్సిపాలిటీల అభివృద్ధికి నిధులు తేవడానికి మున్సిపాలిటీలను అభివృద్ధి చేయడానికి దోహదపడుతుందని తప్పకుండా ప్రతి ఒక్కరు కాంగ్రెస్ పార్టీ అభ్యర్థులను గెలిపించి అత్యధిక మెజారిటీతో మున్సిపాలిటీకి కాంగ్రెస్ మున్సిపల్ కౌన్సిలర్ అభ్యర్థులను గెలిపించి సంగారెడ్డి మున్సిపాలిటీ అభివృద్ధికి ప్రతి ఒక్కరు సహకరించాలని ఈ సందర్భంగా తెలియజేశారు అదే విధంగా కాంగ్రెస్ పార్టీ కౌన్సిలర్ అభ్యర్థులను గెలిపిస్తే టీపీసీసీ వర్కింగ్ ప్రెసిడెంట్ జగ్గారెడ్డి 12 వ వార్డు అభివృద్ధికి ఎనిమిది కోట్ల రూపాయల నిధులు కేటాయించి వార్డులను సమగ్ర అభివృద్ధికి నిధులను కేటాయించడం జరుగుతుందని తెలియజేశారు. ఈ ప్రత్యేక నిధులతో వార్డుల సమగ్ర అభివృద్ధి అదే విధంగా వార్డు రూపురేఖలు మారిపోతాయని తెలియజేశారు. ఈ విషయాలను దృష్టిలో ఉంచుకొని ప్రతి ఒక్క సంగారెడ్డి మున్సిపల్ ఓటర్  12 వ వార్డు కాంగ్రెస్ పార్టీ అభ్యర్థి ప్రవీణ్ ను భారీ మెజారిటీతో గెలిపించాలని ఈ సందర్భంగా ప్రజలను కోరారు.

సంగారెడ్డి 28వ వార్డులో బీజేపీ అభ్యర్థి సంధ్యారాణి రాజుగౌడ్ ప్రచారం

 

సంగారెడ్డి, ఫిబ్రవరి 3(SNM NEWS): సంగారెడ్డి మున్సిపాలిటీ పరిధిలోని 28వ వార్డులో భారతీయ జనతా పార్టీ (బీజేపీ) అభ్యర్థి సంధ్యారాణి రాజుగౌడ్ మంగళవారం విస్తృతంగా ఇంటింటి ప్రచారం నిర్వహించారు. ఈ సందర్భంగా వార్డులోని ప్రతి ఇంటిని సందర్శిస్తూ కేంద్ర ప్రభుత్వం అమలు చేస్తున్న పలు సంక్షేమ పథకాలను ప్రజలకు వివరించారు. ఈ సందర్భంగా సంధ్యారాణి రాజుగౌడ్ మాట్లాడుతూ.. 28వ వార్డు అభివృద్ధే నా ప్రధాన లక్ష్యం అని, ప్రజల సమస్యలను గుర్తించి వాటి పరిష్కారానికి అంకితభావంతో పని చేస్తానని తెలిపారు. కేంద్ర ప్రభుత్వ సంక్షేమ పథకాలను ప్రతి అర్హుడికి అందేలా కృషి చేస్తానని తెలిపారు. రాబోయే మున్సిపల్ ఎన్నికల్లో తనకు అవకాశం ఇవ్వాలని, బీజేపీకి ఓటు వేసి గెలిపించాలని కోరారు. ఈ కార్యక్రమంలో బీజేపీ నాయకులు, కార్యకర్తలు, స్థానిక ప్రజలు పెద్ద సంఖ్యలో పాల్గొన్నారు.

సంగారెడ్డి 6వ వార్డు కాంగ్రెస్ అభ్యర్థి నవాజ్ ఇంటింటి ప్రచారం

సంగారెడ్డి, ఫిబ్రవరి 3(SNM NEWS):: సంగారెడ్డి 6వ వార్డు కాంగ్రెస్ అభ్యర్థి నవాజ్ ఇంటింటి ప్రచారం నిర్వహించారు. వార్డులో ప్రజలను కలుస్తూ సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ.. 6వ వార్డు అభివృద్ధి నా లక్ష్యం అని, వార్డులో బస్తి దావఖాన, అంగన్వాడి పాఠశాల ఏర్పాటుకు నా వంతు కృషి చేస్తానని తెలిపారు. ఇప్పటికే కాంగ్రెస్ ప్రభుత్వం అభివృద్ధి పనులు మొదలుపెట్టిందని, 6వ వార్డు నుండి కాంగ్రెస్ అభ్యర్థిగా భారీ మెజార్టీతో తనను గెలిపించాలని కోరారు. ఇంటింటికి తిరుగుతూ కాంగ్రెస్ ప్రభుత్వం చేపడుతున్న సంక్షేమ పథకాలను వివరించారు. ఈ ఎన్నికలలో వార్డు ప్రజలు తనను అత్యధిక మెజారిటీతో గెలిపించాలని నవాజ్ తెలిపారు.

బీఆర్‌ఎస్‌కు షాక్ – బీజేపీలో భారీ చేరికలు

-12వ వార్డులో బీఆర్‌ఎస్ నాయకుడు గట్టు మీది శ్రీనివాస్

-50 మంది కార్యకర్తలతో బీజేపీలో చేరిక                                                                                                      సంగారెడ్డి, ఫెబ్రవరి 3 (SNM NEWS): సంగారెడ్డి పట్టణంలోని 12వ వార్డుకు చెందిన బీఆర్‌ఎస్ నాయకుడు గట్టు మీది శ్రీనివాస్ సుమారు 50 మంది కార్యకర్తలతో కలిసి భారతీయ జనతా పార్టీలో అధికారికంగా చేరారు. ఈ సందర్భంగా ఆయన మాట్లాడుతూ బీజేపీ అభ్యర్థి సాహితీ రాముకు పూర్తి మద్దతు ప్రకటిస్తూ, ఆయనకు ఘన విజయం సాధించేలా కార్యకర్తలతో కలిసి కృషి చేస్తామని స్పష్టం చేశారు. బీజేపీ విధానాలు, అభివృద్ధి కార్యక్రమాలపై విశ్వాసంతోనే ఈ నిర్ణయం తీసుకున్నామని తెలిపారు. ఈ చేరిక కార్యక్రమంలో బీజేపీ నాయకులు, స్థానిక కార్యకర్తలు తదితరులు భారీగా పాల్గొన్నారు.

కెసిఆర్‌పై సిట్ విచారణను ఖండిస్తూ సీఎం రేవంత్ రెడ్డి దిష్టిబొమ్మ దహనం

 

సంగారెడ్డి, (ప్రత్యేక ప్రతినిధి):మాజీ ముఖ్యమంత్రి కల్వకుంట్ల చంద్రశేఖర్ రావుపై సిట్ విచారణ చేపట్టడాన్ని తీవ్రంగా ఖండిస్తూ సంగారెడ్డి మండలం ఫసల్వాది గ్రామంలో టిఆర్ఎస్ పార్టీ నాయకులు ఆందోళన కార్యక్రమం నిర్వహించారు.గ్రామానికి చెందిన మాజీ డిసిసిబి వైస్ చైర్మన్ పట్నం మాణిక్యం సూచన మేరకు, టిఆర్ఎస్ పార్టీ గ్రామశాఖ అధ్యక్షులు, మాజీ సర్పంచ్ చింతల సాయన్న ఆధ్వర్యంలో సీఎం రేవంత్ రెడ్డి దిష్టిబొమ్మను దహనం చేశారు. ఈసందర్భంగా నాయకులు మాట్లాడుతూ, రాజకీయ కక్ష సాధింపులో భాగంగానే మాజీ సీఎం కెసిఆర్‌పై సిట్ విచారణ చేపట్టారని ఆరోపించారు. ప్రజా ఉద్యమాల ద్వారా అధికార పార్టీ అన్యాయాలకు తగిన గుణపాఠం చెప్పేందుకు సిద్ధంగా ఉన్నామని హెచ్చరించారు.ఈ కార్యక్రమంలో గ్రామ మాజీ వార్డు సభ్యులు చింటూ, మురళి పాల్గొనగా, టిఆర్ఎస్ పార్టీ సీనియర్ నాయకులు దిగోల లింగమయ్య, గొడుగు వెంకటేశం, పులంగారి కామేశ్వర్, రమేష్, బాబా, హరి తదితరులు పెద్ద సంఖ్యలో హాజరై నిరసన వ్యక్తం చేశారు.

ఎనకపల్లిలో ఉచిత పశు వైద్య శిబిరం

 

సదాశివపేట, ఫిబ్రవరి 1: సంగారెడ్డి జిల్లా సదాశివపేట మండలం పరిధిలోని ఎనకపల్లి గ్రామంలో ఉచిత పశు వైద్య శిబిరాన్ని శనివారం నిర్వహించారు. ఈ శిబిరానికి ముఖ్య అతిథులుగా గ్రామ సర్పంచ్ ఎం. దుర్గాప్రసాద్, ఉపసర్పంచ్ ఎండి. ఖాదర్ హాజరయ్యారు. ఈ సందర్భంగా పశు వైద్యుడు డాక్టర్ సంతోష్ కుమార్ గౌడ్ పాడి గేదెలకు గర్భకోశ సంబంధిత చికిత్సలు, సాధారణ వైద్య సేవలు అందించారు. ఎదకు వచ్చిన పాడి గేదెలకు కృత్రిమ గర్భధారణ సూదులు వేయడం జరిగిందన్నారు. గ్రామ సర్పంచ్ దుర్గాప్రసాద్ మాట్లాడుతూ, డాక్టర్లు గ్రామానికి వచ్చి అందిస్తున్న సేవలను రైతులు సద్వినియోగం చేసుకోవాలని సూచించారు. గ్రామ పంచాయితీ తీర్మానం చేసి గ్రామ కంఠంలో పశువులను అరికట్టేందుకు బోను (ట్రేవిస్) ఏర్పాటు చేయనున్నట్లు తెలిపారు. నేటి దూడలే రేపటి పాడి పశువులవుతాయని, వాటి ద్వారా కుటుంబాలు ఆర్థికంగా ఎదుగుతాయని రైతులకు వివరించారు. ఈ కార్యక్రమంలో జేవీవో వి. విజయ్ కుమార్, గోపాలమిత్ర సూపర్వైజర్ సి. అర్జునయ్య, గోపాలమిత్రులు టి. కృష్ణ, ఎం. యాదయ్య, ఎం. రమేష్ పాల్గొన్నారు. పాడి రైతులు అధిక సంఖ్యలో హాజరయ్యారు. శిబిరంలో భాగంగా రైతులకు పాలు పెరగడానికి అవసరమైన మినరల్ మిక్సర్‌ను ఉచితంగా పంపిణీ చేయగా, అవసరమైన మందులన్నీ కూడా ఉచితంగానే అందజేశారు.

కీలక ఖనిజాల పరిశోధనకు మహీంద్రా యూనివర్సిటీ–ఐఐటీ హైదరాబాద్ భాగస్వామ్యం

 పరిశోధన, నైపుణ్యాభివృద్ధిపై ప్రత్యేక దృష్టి

సంగారెడ్డి ప్రతినిధి, జనవరి 30 (SNM NEWS):

కీలక ఖనిజాల రంగంలో పరిశోధన, విద్య, నైపుణ్యాభివృద్ధిని బలోపేతం చేయడమే లక్ష్యంగా మహీంద్రా యూనివర్సిటీ మరియు భారతీయ సాంకేతిక సంస్థ హైదరాబాద్ (ఐఐటీహెచ్) వ్యూహాత్మక అవగాహన ఒప్పందం కుదుర్చుకున్నాయి. ఈ భాగస్వామ్యం ద్వారా కీలక ఖనిజాలు, స్థిరమైన గనుల తవ్వకం, ఆధునిక పారిశ్రామిక ప్రక్రియలపై సంయుక్త పరిశోధనలు నిర్వహించనున్నారు. ఐరన్ ఓర్ బెనిఫిషియేషన్, బొగ్గు-ఖనిజ ప్రాసెసింగ్, ఉక్కు తయారీ, మైనింగ్ వ్యర్థాల వినియోగం, కీలక-అరుదైన భూమి ఖనిజాల తవ్వకం, ప్రక్రియల మోడలింగ్, సిమ్యులేషన్ వంటి రంగాలు ఇందులో భాగం. అదేవిధంగా మైనింగ్‌లో ఏఐ, డేటా అనలిటిక్స్, మైనింగ్ 4.0, డ్రోన్లు, స్వయంచాలక వాహనాలు, స్టార్టప్‌లు, ఇన్క్యూబేషన్ మద్దతుపై కూడా దృష్టి సారించనున్నారు. ఈ ఒప్పందం ప్రకారం ఐఐటీ హైదరాబాద్‌లో ఏర్పాటు చేసిన కీలక ఖనిజాల సెంటర్ ఆఫ్ ఎక్సలెన్స్ ఒప్పందంకు మహీంద్రా యూనివర్సిటీ స్పోక్ ఇన్‌స్టిట్యూట్గా వ్యవహరిస్తుంది. సంయుక్త పరిశోధన ప్రాజెక్టులు, అధ్యాపకులు-విద్యార్థుల మార్పిడి, ప్రయోగశాలలు, మౌలిక సదుపాయాల సంయుక్త వినియోగం ద్వారా ఈ భాగస్వామ్యం అమలులోకి రానుంది. 

జాతీయ కీలక ఖనిజాల మిషన్  కింద కేంద్ర గనుల మంత్రిత్వ శాఖ ఐఐటీ హైదరాబాద్‌ను సెంటర్ ఆఫ్ ఎక్సలెన్స్‌గా గుర్తించడం ఈ భాగస్వామ్యానికి మరింత బలం చేకూర్చిందని అధికారులు తెలిపారు. ఈ సందర్భంగా మహీంద్రా యూనివర్సిటీ వైస్ చాన్సలర్ డా. యాజులు మెదురి, ఈ సహకారం జాతీయ కీలక ఖనిజాల మిషన్ లక్ష్యాలకు అనుగుణంగా పరిశోధన ఆధారిత స్వదేశీ సాంకేతిక పరిష్కారాలను ప్రోత్సహిస్తుందని అన్నారు. ఐఐటీ హైదరాబాద్ డైరెక్టర్ ప్రొఫెసర్ బి.ఎస్. మూర్తి, కీలక ఖనిజాలు, వనరుల సమర్థ వినియోగంలో స్వావలంబన దిశగా ఈ భాగస్వామ్యం కీలకంగా నిలుస్తుందని తెలిపారు. ఈ ఒప్పందం ద్వారా ప్రత్యేక శిక్షణా కార్యక్రమాలు, సర్టిఫికేట్ కోర్సులు, మాస్టర్ డిగ్రీ ప్రణాళికలు, ఉద్యోగులకు తక్కువ కాల శిక్షణలు, అలాగే స్టార్టప్‌లు, ఎంఎస్‌ఎంఈలకు ఇన్క్యూబేషన్, సీడ్ సపోర్ట్ అందించనున్నారు.

12 వ వార్డు బీజేపీ పార్టీ అభ్యర్థి గా నామినేషన్ దాఖలు చేసిన సాహితీ రాము

సంగారెడ్డి ప్రతినిధి, జనవరి 30 (SNM NEWS):సంగారెడ్డి లోని 12 వ వార్డు బీజేపీ పార్టీ కౌన్సిలర్ అభ్యర్థిగా పోటీ చేస్తున్న సాహితీ రాము తమ వార్డు ప్రజలు వెంటరాగా ఇంటి నుండి మున్సిపాలిటీ వరకు ర్యాలీ గా వెళ్లి నామినేషన్ వేశారు.వార్డు ప్రజల ఆశీర్వాదంతో కేంద్రం లోని బీజేపీ ప్రభుత్వం చేస్తున్న అభివృద్ధి పథకాలు తనను గెలిపిస్తాయని అన్నారు. వార్డులో గత పాలకులు చేసిన అభివృద్ధి శూన్యమని రోడ్లు చాలా అధ్వానంగా ఉన్నాయని తాను గెలిస్తే కాలనీలోని రోడ్లు, డ్రైనేజ్ వ్యవస్థ కచ్చితంగా పూర్తి చేస్తానని అన్నారు. ఎంపీ, ఎమ్మెల్సీ నిధులు ఉపయోగించి కాలనీ అభివృద్ధికి బాటలు వేస్తామని ఆయన అన్నారు. రాజకీయాల్లోకి కొత్తగా వచ్చిన నాకు సేవ చేయడమే తెలుసని తనను గెలిపిస్తే వార్డు సర్వతో ముఖాభివృద్ధికి సర్వదా కృషి చేస్తానని ఆయన అన్నారు. ఈ కార్యక్రమంలో వార్డు ప్రజలు పెద్ద ఎత్తున పాల్గొన్నారు.

రాజంపేట 15వ వార్డులో కాంగ్రెస్ అభ్యర్థి సుష్మిత ప్రశాంత్ కుమార్ నామినేషన్

 భారీ జనసంద్రం, కార్యకర్తలు–కాలనీవాసుల హాజరు

సంగారెడ్డి ప్రతినిధి, జనవరి 29 (SNM NEWS) :

రాజంపేట మున్సిపాలిటీ పరిధిలోని 15వ వార్డు నుంచి కాంగ్రెస్ పార్టీ బలపరిచిన అభ్యర్థిగా ధర్నారం సుష్మిత ప్రశాంత్ కుమార్ గురువారం నామినేషన్ దాఖలు చేశారు. ఈ సందర్భంగా కార్యకర్తలు, కాలనీవాసులు, ప్రజలతో కలిసి భారీ ర్యాలీ నిర్వహించి నామినేషన్ వేయడానికి వెళ్లారు. వార్డు పరిధిలో నిర్వహించిన ఈ ర్యాలీకి ప్రజల నుంచి విశేష స్పందన లభించింది. కాంగ్రెస్ పార్టీ జెండాలు, నినాదాలతో రాజంపేట ప్రాంతం జనసంద్రంగా మారింది. అభ్యర్థికి స్థానిక ప్రజల సంపూర్ణ మద్దతు ఉందని ఈ ర్యాలీ స్పష్టం చేసింది. ఈ కార్యక్రమంలో రాజంపేట కాంగ్రెస్ పార్టీ ఇంచార్జ్, ముఖ్య నాయకులు కంబాలపల్లి శ్రీనివాస్, మాజీ కౌన్సిలర్ కాశ్మీర్ రాజు, ఎంఆర్ఎఫ్ శ్రీనివాస్, పట్లూరి శ్రీనివాస్, తోట జగన్మోహన్, వడ్ల వెంకటేశం, గన్నారం చంద్రయ్య, టేకుల ఆనంద్, గన్నారం మల్లేష్, టేకుల ఆగమయ్య, బండ గోపాల్, పూజారి ప్రభాకర్, అడివయ్య, ఎంఆర్ఎఫ్ రాంచందర్, టేకుల భూపాల్, నాయకులు మజీద్, సీనియర్ నాయకులు రఫీ, షఫీ, బిక్షపతి గౌడ్, ఆంజనేయులు గౌడ్ తదితరులు పాల్గొన్నారు. అలాగే మైనార్టీ మహిళలు, పార్టీ కార్యకర్తలు, రాజంపేట ప్రజలందరూ పెద్ద సంఖ్యలో హాజరై నామినేషన్ కార్యక్రమాన్ని విజయవంతం చేశారు. అభివృద్ధి, సంక్షేమమే ధ్యేయంగా ప్రజల కోసం నిరంతరం పనిచేస్తామని ఈ సందర్భంగా అభ్యర్థి సుష్మిత ప్రశాంత్ కుమార్ పేర్కొన్నారు.

30వ వార్డు నుంచి గొల్ల ఆంజనేయులు విజయలక్ష్మి నామినేషన్

భారీ ర్యాలీతో మున్సిపల్ కార్యాలయానికి చేరిక

సంగారెడ్డి ప్రతినిధి, జనవరి 29 (SNM NEWS) :

సంగారెడ్డి మున్సిపాలిటీ పరిధిలోని 30వ వార్డు మున్సిపల్ కౌన్సిలర్ అభ్యర్థిగా గొల్ల ఆంజనేయులు విజయలక్ష్మి సోమవారం నామినేషన్ దాఖలు చేశారు. ఈ సందర్భంగా వార్డు పరిధిలో భారీ ర్యాలీ నిర్వహించి, కార్యకర్తలు, మద్దతుదారులతో కలిసి మున్సిపల్ కార్యాలయానికి చేరుకొని నామినేషన్ పత్రాలను సమర్పించారు. ర్యాలీ సందర్భంగా నినాదాలతో వార్డు ప్రాంతమంతా ఉత్సాహభరిత వాతావరణం నెలకొంది. అభ్యర్థికి ప్రజల నుంచి విశేష స్పందన లభించింది. అభివృద్ధి, సంక్షేమమే లక్ష్యంగా ముందుకు సాగుతామని గొల్ల ఆంజనేయులు విజయలక్ష్మి ఈ సందర్భంగా పేర్కొన్నారు.

ఈ కార్యక్రమంలో జనార్దన్, పండు అన్న, అరుణ్ చారీ, అఖిల్, తూర్పు ఆంజనేయులు తదితరులు పాల్గొని అభ్యర్థికి సంఘీభావం తెలిపారు. అలాగే పెద్ద సంఖ్యలో పార్టీ నాయకులు, కార్యకర్తలు, స్థానిక ప్రజలు హాజరై నామినేషన్ కార్యక్రమాన్ని విజయవంతం చేశారు.

యువ స్విమ్మర్లకు ఘన సత్కారం, అబ్దుర్ రెహమాన్, అబ్దుల్ నజీర్లకు గణతంత్ర దినోత్సవ వేడుకల్లో అవార్డులు

సంగారెడ్డి, జనవరి 26 (SNM న్యూస్):స్విమ్మింగ్ పోటీల్లో విశేష ప్రతిభ కనబరిచిన యువ స్విమ్మర్లు ముహమ్మద్ అబ్దుర్ రెహమాన్ సిద్ధిఖ్, అబ్దుల్ నజీర్లు సంగారెడ్డి పోలీస్ పరేడ్ గ్రౌండ్లో నిర్వహించిన గణతంత్ర దినోత్సవ వేడుకల్లో ఘనంగా సత్కరించారు. ఈ సందర్భంగా టీజీఐఐసీ చైర్మన్ నిర్మల జగ్గారెడ్డి, జిల్లా కలెక్టర్ పి.ప్రావిణ్య, జిల్లా ఎస్పీ పరితోష్ పంకజ్ విజేతలకు అవార్డులు అందజేశారు. జిల్లా కలెక్టర్ సహకారంతో స్విమ్మింగ్ పూల్ అభివృద్ధి జరగడంతో పాటు, జిల్లా అధికారి డివైఎస్ఓ అఖిలేష్ రెడ్డి ప్రోత్సాహం వల్లే ఇలాంటి విజయాలు సాధ్యమవుతున్నాయని స్విమ్మింగ్ ఇన్చార్జ్ శేషు కుమార్ తెలిపారు. ప్రతిభ కనబరిచిన స్విమ్మర్స్ కు సంగారెడ్డి జిల్లా స్కూల్ గేమ్స్ ఆర్గనైజింగ్ సెక్రటరీ శ్రీనివాస్ అభినందనలు తెలియజేశారు. అదేవిధంగా అని విధాల సహకరిస్తున్న జిల్లా యంత్రాంగానికి ఆయన ప్రత్యేక కృతజ్ఞతలు తెలియజేశారు. డి వై ఎస్ ఓ అఖిలేష్ రెడ్డి విజేతలకు అభినందనలు తెలియజేస్తూ, భవిష్యత్తులో మరిన్ని విజయాలు సాధించి జిల్లాకు మంచి పేరు తీసుకురావాలని ఆకాంక్షించారు. ఈ కార్యక్రమంలో డి ఎస్ ఏ సిబ్బంది దీపిక, స్నేహలత, పవన్ కళ్యాణ్, స్విమ్మింగ్ పూల్ సిబ్బంది పవన్, కృష్ణ, కుమార్ పాల్గొని అభినందనలు తెలియజేశారు.

డీఆర్డీఏ–ఐకేపీ ఏపీఎం సోమా శివలక్ష్మికి ప్రశంస, గణతంత్ర దినోత్సవ వేడుకల్లో ప్రశంసా పత్రం ప్రదానం

 

సంగారెడ్డి, జనవరి 26 (SNM న్యూస్): సంగారెడ్డి జిల్లా కంది మండలంలో డీఆర్డీఏ–ఐకేపీ అసిస్టెంట్ ప్రాజెక్ట్ మేనేజర్‌గా విధులు నిర్వహిస్తున్న సోమా శివలక్ష్మిని జిల్లా గణతంత్ర దినోత్సవ వేడుకల్లో ఘనంగా సత్కరించారు. మండలంలోని గ్రామాలకు అందించిన విశేష సేవలకు గుర్తింపుగా జిల్లా కలెక్టర్, టీజీఐసీ చైర్‌పర్సన్ తూర్పు నిర్మల జగ్గారెడ్డి చేతుల మీదుగా ఆమెకు ప్రశంసా పత్రం అందజేశారు. ఈ సందర్భంగా అధికారులు మాట్లాడుతూ, గ్రామీణాభివృద్ధి కార్యక్రమాల అమలులో సోమా శివలక్ష్మి సమర్థవంతంగా పనిచేస్తూ, స్వయం సహాయక సంఘాల బలోపేతం, మహిళా సాధికారత, ఉపాధి అవకాశాల కల్పనలో కీలక పాత్ర పోషించారని తెలిపారు. ప్రభుత్వ పథకాలను అర్హులైన లబ్ధిదారులకు చేరవేయడంలో ఆమె సేవలు ఆదర్శప్రాయమని కొనియాడారు. గణతంత్ర దినోత్సవ వేడుకల్లో భాగంగా వివిధ శాఖల ఉత్తమ ఉద్యోగులను సన్మానించగా, సోమా శివలక్ష్మికి లభించిన ఈ గౌరవం డీఆర్డీఏ–ఐకేపీ సిబ్బందికి ప్రోత్సాహకరంగా నిలిచిందని పలువురు అభిప్రాయపడ్డారు. ఈ కార్యక్రమంలో జిల్లా అధికారులు, ప్రజాప్రతినిధులు, వివిధ శాఖల ఉద్యోగులు పాల్గొన్నారు.