విద్యార్థులకు నోట్‌బుక్స్‌ పంపిణీశివప్రసాద్‌ జన్మదినం సందర్భంగా సేవా కార్యక్రమం

రాయికోడ్‌: బీజేపీ యువనేత శివప్రసాద్‌ జన్మదినాన్ని పురస్కరించుకుని రాయికోడ్‌లోని ఓ ప్రైవేట్‌ విద్యాసంస్థలో విద్యార్థులకు నోట్‌బుక్స్‌ పంపిణీ చేశారు. శివప్రసాద్‌ అభిమాన నాయకుడు, మాజీ ఎంపీ బీబీ పాటిల్‌ చిత్రంతో ముద్రించిన నోట్‌బుక్స్‌ను బీబీ పాటిల్‌ స్వయంగా విద్యార్థులకు అందజేశారు. ఈ సందర్భంగా బీబీ పాటిల్‌ మాట్లాడుతూ.. జన్మదిన వేడుకలను ఆర్భాటంగా నిర్వహించకుండా విద్యార్థులకు ఉపయోగపడేలా సేవా కార్యక్రమం చేపట్టడం అభినందనీయమన్నారు. విద్యార్థులే దేశ భవిష్యత్తుకు పునాదులని, కష్టపడి చదువుకుని ఉన్నత శిఖరాలను అధిరోహించాలని ఆకాంక్షించారు. శివప్రసాద్‌ భవిష్యత్తులోనూ మరిన్ని సేవా కార్యక్రమాలు చేపట్టాలని కోరుతూ జన్మదిన శుభాకాంక్షలు తెలిపారు. అనంతరం విద్యార్థులకు నోట్‌బుక్స్‌ అందజేసిన బీబీ పాటిల్‌ వారితో ఆప్యాయంగా ముచ్చటించారు. నోట్‌బుక్స్‌ అందుకున్న విద్యార్థులు ఆనందం వ్యక్తం చేశారు. యువత విద్యార్థులకు అండగా నిలుస్తూ సామాజిక సేవా కార్యక్రమాల్లో చురుకుగా పాల్గొనాలని పలువురు నాయకులు సూచించారు. కార్యక్రమంలో అందోల్‌ బీజేపీ సీనియర్‌ నాయకులు ఆడికే జగదీశ్వర్‌ పాటిల్‌, బీజేపీ ఎస్సీ మోర్చా అధ్యక్షుడు చంటి ప్రభు, శివ, అశోక్‌, బసవరాజు పాటిల్‌, మాజీ ఎంపీపీ మొగులప్ప, సిద్ధేశ్వర్‌, శివప్రసాద్‌తో పాటు ఉపాధ్యాయులు, విద్యార్థులు పాల్గొన్నారు.

అనారోగ్యంతో ఆసుపత్రిలో చేరిన బీజేపీ నేతకు మాజీ ఎంపీ పరామర్శ

సంగారెడ్డి: అందోల్ నియోజకవర్గానికి చెందిన బీజేపీ నాయకుడు రమేష్ పాటిల్ అనారోగ్యంతో హైదరాబాద్‌లోని ఓ ప్రైవేట్ ఆసుపత్రిలో చికిత్స పొందుతున్న విషయం తెలుసుకున్న మాజీ ఎంపీ బి.బి. పాటిల్ శుక్రవారం ఆయనను పరామర్శించారు. ఆసుపత్రికి వెళ్లిన బి.బి. పాటిల్ రమేష్ పాటిల్‌ను నేరుగా కలిసి ఆరోగ్య పరిస్థితిని అడిగి తెలుసుకున్నారు. అనంతరం వైద్యులతో మాట్లాడి ఆయనకు అందిస్తున్న చికిత్స, ఆరోగ్య పరిస్థితిపై వివరాలు తెలుసుకున్నారు. రమేష్ పాటిల్ త్వరగా కోలుకుని సంపూర్ణ ఆరోగ్యంతో తిరిగి రావాలని ఆకాంక్షించారు. ఈ పరామర్శ కార్యక్రమంలో నియోజకవర్గ సీనియర్ బీజేపీ నాయకులు అడికే జగదీశ్వర్, అశోక్, శివ, సిద్ధేశ్వర్‌తో పాటు పలువురు స్థానిక నాయకులు పాల్గొన్నారు.

కృష్ణవేణి టాలెంట్ స్కూల్లో ఘనంగా రాఖీ వేడుకలు

పటాన్చెరు, ఆగస్టు 27 (SNM న్యూస్): కృష్ణవేణి టాలెంట్ స్కూల్లో రాఖీ వేడుకలను ఘనంగా నిర్వహించారు. ఈ సందర్భంగా విద్యార్థులు సోదర–సోదరీమణుల అనుబంధం, ప్రేమ, ఆప్యాయతను ప్రతిబింబించేలా ఒకరికొకరు రాఖీలు కట్టుకుని పండుగను ఆనందంగా జరుపుకున్నారు. రాఖీ పండుగ సందర్భంగా పాఠశాల తరఫున విద్యార్థులు మండల విద్యాశాఖ అధికారి పి.వి. నాగేశ్వర్ నాయక్‌కు రాఖీ కట్టి శుభాకాంక్షలు తెలిపారు. అలాగే పోలీస్ శాఖకు చెందిన ఎస్ఐ మహేశ్వర్ రెడ్డి, వినోద్‌లకు కూడా విద్యార్థులు రాఖీలు కట్టి రాఖీ పండుగ శుభాకాంక్షలు తెలిపారు. ఈ సందర్భంగా పాఠశాల ప్రధానోపాధ్యాయులు సీహెచ్. రాజేష్ మాట్లాడుతూ విద్యార్థినీ, విద్యార్థులు అందరూ కలిసిమెలిసి సోదర–సోదరీ భావంతో ఉండాలని సూచించారు. రాఖీ పండుగ సోదర–సోదరీమణుల మధ్య ప్రేమ, ఆప్యాయత, పరస్పర గౌరవానికి ప్రతీకగా నిలుస్తుందని తెలిపారు. విద్యార్థులంతా ఐకమత్యంతో ఉంటూ మంచి విలువలను అలవర్చుకోవాలని ఆకాంక్షించారు.

ఆర్డినెన్స్ ఫ్యాక్టరీ ఉద్యోగి జి. శంకరయ్య గౌడ్‌కు ఘనంగా ఉద్యోగ విరమణ సన్మానం

ఎద్దుమైలారం, సంగారెడ్డి ప్రతినిధి, ఆగస్టు 1 (SNM న్యూస్): ఎద్దుమైలారం ఆర్డినెన్స్ ఫ్యాక్టరీలో 41 సంవత్సరాల పాటు సుదీర్ఘ సేవలందించిన సీనియర్ ఉద్యోగి శ్రీ జి. శంకరయ్య గౌడ్ ఉద్యోగ విరమణ చేసిన సందర్భంగా సహోద్యోగులు, స్నేహితులు, కార్మిక సంఘ ప్రతినిధులు ఘనంగా సన్మానించి హృదయపూర్వక శుభాకాంక్షలు తెలిపారు. ఈ సందర్భంగా అరుణాచలం సోషల్ మీడియాతో మాట్లాడిన సహోద్యోగులు, శంకరయ్య గౌడ్ సేవలను కొనియాడుతూ ఆయన నిబద్ధత, నిజాయితీ, క్రమశిక్షణ ఉద్యోగ జీవితానికి ఆదర్శంగా నిలిచాయని పేర్కొన్నారు. వారు మాట్లాడుతూ, గత నాలుగు దశాబ్దాలకు పైగా ఆర్డినెన్స్ ఫ్యాక్టరీ అభివృద్ధిలో శంకరయ్య గౌడ్ విశిష్ట పాత్ర పోషించారని తెలిపారు. సహోద్యోగులతో స్నేహపూర్వకంగా, ఆప్యాయంగా మెలుగుతూ అందరి అభిమానాన్ని సంపాదించుకున్నారని, కుటుంబ బాధ్యతలు, ఉద్యోగ బాధ్యతలను సమతుల్యంగా నిర్వహిస్తూ అందరికీ ఆదర్శప్రాయమైన వ్యక్తిగా నిలిచారని పేర్కొన్నారు. ఆయన ఉద్యోగ విరమణతో సంస్థ ఒక అనుభవజ్ఞుడైన ఉద్యోగిని కోల్పోయినా, ఇకపై కుటుంబ సభ్యులతో ప్రశాంతంగా, ఆనందంగా శేష జీవితాన్ని గడపాలని ఆకాంక్షించారు. శంకరయ్య గౌడ్ వ్యక్తిత్వంలో మాతృభక్తి ప్రత్యేక స్థానాన్ని సంపాదించుకుంది. "అమ్మే నా దైవం.. అమ్మ దీవెనే నా బలం" అనే భావంతో కన్నతల్లిని అత్యంత భక్తిశ్రద్ధలతో సేవిస్తూ, ప్రతి రోజు ఆమె ఆశీర్వాదాలను జీవిత విజయాలకు మార్గదర్శకంగా భావించడం ఆయన గొప్పతనానికి నిదర్శనమని సహోద్యోగులు తెలిపారు. తల్లిపట్ల ఆయన చూపుతున్న సేవాభావం నేటి తరానికి ఆదర్శంగా నిలుస్తుందని పేర్కొన్నారు. కుటుంబ పెద్దగా కూడా శంకరయ్య గౌడ్ తన బాధ్యతలను సమర్థవంతంగా నిర్వర్తించారు. ఇద్దరు కుమార్తెలకు వివాహాలు జరిపించి, కుమారుడిని ఉన్నత విలువలతో సమాజంలో ప్రయోజకుడిగా తీర్చిదిద్దారని తెలిపారు. కుటుంబ సభ్యుల భవిష్యత్తును తన బాధ్యతగా భావించి, ప్రతి కర్తవ్యాన్ని నిబద్ధతతో పూర్తి చేసిన ఆదర్శ తండ్రిగా ఆయన గుర్తింపు పొందారని కొనియాడారు. అలాగే అన్నగా కూడా ఆయన తన ఇద్దరు తమ్ముళ్లకు తండ్రి స్థానంలో నిలిచి ప్రేమ, ఆప్యాయత, బాధ్యతలతో అండగా నిలిచారని తెలిపారు. 

తల్లిదండ్రుల లోటు తెలియకుండా వారిని ప్రోత్సహిస్తూ, జీవితంలో స్థిరపడేలా మార్గనిర్దేశం చేశారని పేర్కొన్నారు. అన్నదమ్ముల అనుబంధానికి, కుటుంబ విలువలకు శంకరయ్య గౌడ్ జీవంతమైన ఉదాహరణగా నిలిచారని సహోద్యోగులు అభిప్రాయపడ్డారు. ఈ సందర్భంగా అరుణాచలం సోషల్ మీడియా ప్రతినిధులు మాట్లాడుతూ, కష్టపడే తత్వం, నిజాయితీ, సేవాభావం కలిగిన శ్రీ జి. శంకరయ్య గౌడ్ ఆయురారోగ్యాలతో, కుటుంబ సభ్యుల మధ్య సుఖశాంతులతో దీర్ఘకాలం ఆనందంగా జీవించాలని ఆకాంక్షిస్తూ మరోసారి ఉద్యోగ విరమణ శుభాకాంక్షలు తెలియజేశారు.